Grani bar gullið úr Vágum

Nýggjur hestur vann Tvíspor vaksin – Grani vann á degnum, men Ása Bárðardóttir gjørdist yngsti FM vinnari nakrantíð

Eisini tann seinasta kappríðingin í ár gjørdist spennandi. Fimm kappingar hava verið og í Tvíspor vaksin vóru fýra ymiskir vinnarar. Silfa og 16 ára gamla Ása Bárðardóttir vóru tær einastu ið vunnu tvær kappingar. Tær gjørdist eisini uppibornir FM vinnarar. Tískil verður tað Ása Bárðardóttir, sum fer at ganga fremst í ólavsøkuskrúðgonguni næsta ár – Hon er eisini yngsti vinnari av FM í Tvíspor í søguni – Tað er tó ein deildur heiður. Kristfríð D. Jacobsen var eisini 16 tá hon vann FM fyrstu ferð.

Kappingina í Vágum var tað tó Grani og Hallur Hansen ið vunnu, tað var minni enn eitt sek. á muni millum nummar eitt og nummar sjey, tað er sera sjáldsamt tað hendir. So hetta var virðiligur endi á einum sera spennandi kappingarárið. Grani er nýggjur í kappríðing, men hevur verið sannførandi tær seinastu kappingarnar, so har er helst okkurt spennandi í væntu. Nummar tvey á degnum vóru Óðin og Silja G. Eystberg og nummar trý var føroyameistarin Silfá og Ása Bárðardóttir.

Tøltkappingina vunnu Brynjar og Regin Johannesen, Skeið var vunnið av Orku og Ranju H. Djurhuus – Strákur hjá Bárði Johannessen gjørdist FM vinnari í Tølt og Syrpa hjá sama Bárði Johannessen vann FM í Skeið. Travkappingina vann Grettir og Yrsa H. Djurhuus, tey gjørdist eisini føroyameistarar. Bárður er pápi Ásu Bárðardóttir ið vann FM í Tvíspor vaksin, so har endaði trý FM í sama húsi.

Kappingin íTvíspor ung vara sera sjáldsom. Tríggjar systrar endaði á sigurspallinum, Ranja H. Djurhuus vann við Sirkill, tey vunnu eisini FM, Eyðdis H. Djurhuus gjørdist nummar tvey á Grettir Reyða og Yrsa H. Djurhuus nummar trý við Stormi – Hetta man eisini vera søga í føroyskari kappríðing.

Tvíspor ll flokk vann Hans Pauli Polsen á Tindi, har er eingin føroyameistari.

Úrslitini síggast her: http://kappingar.ross.fo/PublicResults.aspx?tID=c50ea909-acdc-4401-9acd-9cc1d726ffb0